GESANG 055

1. O GOD, HOE SALIG OM TE WEET,         
   AS ONS IN OOTMOED NADER,             
   U SAL U KINDERS NOOIT VERGEET -      
   ONS KEN U AS ONS VADER.              
   ONS BID OM SKULDVERGIFFENIS          
   DEUR JESUS WAT ONS VOORSPRAAK IS -   
   ONS KNIEL IN STIL VERTROUE.          
                                        
2. MAAR ONS WORD DIKWELS TOG VERLEI,    
   GERUS GEMAAK DEUR SONDE              
   OM OP ONS EIE WEG TE BLY;            
   DAN WORD ONS AARDSGEBONDE.           
   IN PLAAS VAN OP U HULP TE WAG,       
   STEUN ONS DAN OP ONS EIE KRAG        
   IN VALSE SELFVERTROUE.               
                                        
3. O GOD, DI` KWAAD VERWOND ONS MEER    
   AS ALLE ANDER SMARTE -               
   OORWIN DIT DEUR U GEES, O HEER,      
   VERNUWE TOG ONS HARTE.               
   WIL DEUR U GEES ONS ONDERRIG;        
   VERTROOS EN LEI, GEE KRAG EN LIG,    
   DAN BUIG ONS IN AANBIDDING.          
                                        
4. SIEN ONS DAN, VADER, IN ONS NOOD,    
   SAAM VOOR U TROON VERGADER,          
   SAL OOIT 'N KIND VERGEEFS OM BROOD   
   SMEEK BY SY AARDSE VADER ?           
   SAL U ONS DAN NIE NOG VEEL MEER,     
   U GEES, IN AL SY VOLHEID, HEER,      
   OP ONS GEBEDE SKENK NIE ?